rejwanska skupina | Wudwor

Rejowanska skupina


Smy rejowarjo serbskeho folklorneho ansambla Wudwor z.t., skupina młodych rejowarjow, kiž so za folkorne reje z Łužicy ale tež z druhich słowjanskich krajow zahori.


W našej skupinje rejuja tučasnje holcy a hólcy mjez 13 a 18 lětami. Jónu za tydźen so rejowarjo zetkaja, zo bychu po sćoplenju reje z aktualneho repertoira wospjetowali a dale polěpšili. Paralelnje k tomu so stajnej zaso nowe reje nazwučuja, tak zo skići so přihladowarjej mnohostronski program.


Wosebje rjenje je, hdyž so holcy k wustupam serbsku narodnu drastu zdrasća. W našim fundusu mamy hišće dalše drasty z Łužicy, kiž so w běhu wustupa měnjeja. K tomu lići mjezdruhim serbska katolska drasta, serbska dźěłanska drasta a burska drasta.


Dajće so wot serbskeje folklory zakuzłać! Wjeselimy so na Waš wopyt.